Adhuruesit e spektaklit “Big Brother VIP Albania” nuk do të duhet të presin edhe shumë për rikthimin e tij në ekran. Produksioni ka konfirmuar se edicioni i gjashtë i këtij formati do të nisë në muajin dhjetor.
Ndonëse data e saktë e premierës ende nuk është bërë e ditur, konfirmimi është publikuar përmes një postimi në faqen zyrtare të spektaklit në Instagram.
Krahas njoftimit, produksioni ka publikuar edhe një trailer promovues, në të cilin shfaqen personazhe nga edicionet e kaluara.
“Shumë kanë hyrë në atë derë. Asnjë nuk ka dalë i njëjtë. Disa humbasin. Të tjerë fitojnë gjithçka. E gjithë Shqipëria, një lojë! Big Brother VIP, nga dhjetori!”, thuhet në njoftimin e produksionit.
Deri më tani nuk janë zbuluar detaje të tjera rreth banorëve që do të bëhen pjesë e këtij edicioni.









