Peja është bërë bashkë mbrëmë në nderim të Arlinda Zekajt, e cila u vra tragjikisht në Vitomiricë.
Në një pjesë të sheshit të qytetit, qytetarët vendosën edhe një letër të madhe, përmes së cilës u rikujtua letra që Arlinda ua kishte drejtuar institucioneve, duke kërkuar ndihmë.
Për vrasjen e saj dyshohet kunati, Albert Sylaj, i cili, sipas policisë, vazhdon të jetë në arrati.
Ndërkohë, sot Arlinda Zekajt do t’i jepet lamtumira e fundit. Ceremonia e varrimit do të mbahet në orën 15:00, në fshatin Radac të Pejës.
