Dardan Molliqaj, kryetar i PSD-së, ka shkruar në lidhje me pushtetin e Vetëvendosjes.
Molliqaj ka përmendur disa afera, përfshirë atë të Martin Berishajt, ambasador i Kosovës në Kroaci, që dyshohet për shpërlarje parash.
Njëkohësisht, Molliqaj ka publikuar disa fotografi nga aksione të ndryshme të PSD-së.
Postimi:
Krejt na kemi faj, veç këta të pushtetit janë melaqe.
Kur doli afera e Martinit, Qeveria tha që i beson Martinit e jo fakteve.
Kur doli afera e rezervave, Qeveria thoshte që nuk e njohin Ridin, edhe pse emailat dëshmojnë komunikim direkt me të.
Kur doli afera e ambalazhuesve, qeveria tha që këta nuk janë zyrtarë të VV-së. Por Naser Hafizi është aktivist i ngritur në detyrë menjëherë kur VV erdhi në pushtet.
Kur FSK-ja mbeti pa bukë, qeveria akuzoi Beni-Donen. Përderisa vetë qeveria i jep miliona kësaj kompanie.
Kur doli afera Zdravo, Kurti tha “Mimoza nuk është anëtare e VV-së” dhe e normalizoi komunikimin me Radojçicin.
