Një rast i rëndë i dhunës në familje është regjistruar në Ferizaj, ku një person është shoqëruar në polici nën dyshimin se ka sulmuar fizikisht nënën dhe motrën e tij.
Sipas raportit 24-orësh të Policisë së Kosovës, incidenti ka ndodhur pas një konflikti verbal mes palëve.
Si pasojë e sulmit, dy të dëmtuarat kanë marrë tretmanin e nevojshëm mjekësor dhe më pas, për shkaqe sigurie, janë dërguar në strehimore.
“Ndërsa i dyshuari është arrestuar dhe me vendim të prokurorit është dërguar në mbajtje, rasti në procedurë hetimore”, thotë PK.
Policia po vazhdon hetimet për procedimin e mëtejshëm të rastit.
