Në Kosovë është shënuar rritje si e kurorëzimeve, ashtu edhe e shkurorëzimeve gjatë muajit korrik 2026.
Sipas të dhënave zyrtare, gjatë korrikut janë regjistruar gjithsej 1 mijë e 344 kurorëzime, brenda dhe jashtë Kosovës. Krahasuar me qershorin, numri i kurorëzimeve është rritur për 5.1 për qind.
Ndërkohë, shkruan Sinjali gjatë të njëjtit muaj janë regjistruar 168 raste të shkurorëzimeve në Kosovë.
Edhe shkurorëzimet kanë shënuar rritje krahasuar me muajin paraprak, përkatësisht prej 14.3 për qind.
Të dhënat pasqyrojnë ndryshimet mujore në numrin e martesave dhe shkurorëzimeve të regjistruara në vend.
