Endrit Thaçi, djali i ish-presidentit të Kosovës, Hashim Thaçi, ka falënderuar qytetarët për mbështetjen e dhënë pas aktgjykimit ndaj ish-krerëve të UÇK-së në Hagë.
Ai është deklaruar gjatë protestës që po mbahet në sheshin “Skënderbeu” në Prishtinë, ku ka falënderuar edhe mediat për raportimin dhe bashkëpunimin.
“Dua t’i falënderoj të gjithë popullin shqiptar për mbështetjen, jemi falënderues shumë. Populli është me UÇK-në, ushtria është e pastër”, ka deklaruar Thaçi.
Ai më pas ka falënderuar edhe gazetarët për punën e tyre.
“Faleminderit për mediat që janë treguar shumë bashkëpunuese, si dhe për punën e palodhshme që keni bërë”, ka shtuar ai.
Endrit Thaçi është parë së bashku me Klestor Veselin, djalin e Kadri Veselit, në protestën që po zhvillohet në Prishtinë pas aktgjykimit të Dhomave të Specializuara në Hagë.
