Të martën, nga ora 09:30, në Gjykatën Themelore në Prishtinë do të nisë rigjykimi në rastin e Endrit Nikës.
Gjykata Themelore e kishte dënuar Nikën me 18 vjet burgim për veprën penale “vrasje e rëndë” ndaj partneres së tij, Maria Clara Urdangaray.
Avokati i Nikës, Tomë Gashi, përmes një postimi në Facebook ka bërë të ditur se ankesa e tij ishte aprovuar nga Gjykata e Apelit.
Sipas akuzës, gjatë goditjeve dhe shtyrjeve, e dëmtuara u dërgua në qoshe të dhomës, nga ku më nuk kishte ku të largohej, derisa korniza e dritares u shkëput dhe ajo u hodh jashtë.
Vetë Nika e kishte mohuar ta ketë prekur me dorë, duke ofruar një version tjetër për ngjarjen.
Ekspertiza e kornizës së dritares u krye vetëm pas një viti e gjysmë, në një kohë kur pronari i hotelit kishte vendosur tashmë një kornizë të re me tre shtresa xhami, duke ndryshuar strukturën fillestare.
