Kryetari i Nismës Socialdemokrate dhe ish-komandanti i UÇK-së, Fatmir Limaj, ka reaguar pas intervistës së ish-presidentit Hashim Thaçi, i cili ka deklaruar se pret të shpallet i pafajshëm nga të gjitha akuzat në procesin gjyqësor në Hagë.
Komandant Çeliku, ka shprehur mbështetjen e tij për Thaçin dhe ish-krerët e tjerë të UÇK-së që po gjykohen në Dhomat e Specializuara të Kosovës.
“Ju presim fitimtar!”, ka shkruar Limaj në reagimin e tij, teksa ka publikuar një fotografi me Thaçin, ku të dy shihen të veshur me uniformat e UÇK-së.
Aktgjykimi ndaj Thaçit, Kadri Veselit, Rexhep Selimit dhe Jakup Krasniqit pritet të shpallet më 16 shtator në Hagë.
