Deputeti i Lidhjes Demokratike të Kosovës, Arben Gashi, ka ironizuar lidhur me takimin e kryeministrit në detyrë, Albin Kurtit, si dhe kreut të LDK’së, Lumir Abdixhikut.
“U mbars mali, polli ni mi”, ka filluar shkrimin Gashi. Sipas tij, këto takime mes dyshes Kurti-Abdixhiku s’po prodhojnë asgjë.
“Shumë zhurmë, shumë premtime, shumë pritje e në fund, asgja. Kjo asht ajo që ndodh kur propaganda e zëvendëson punën, e pushteti madhështinë e premtimeve”, deklaroi ai.
Kurti e Abdixhiku thanë se diskutuan për kriteret e presidentit të ardhshëm, por s’përmenden emra të propozuar.
