Kryetari i Lidhjes Demokratike të Kosovës, Lumir Abdixhiku, ka deklaruar se takimi i sotëm me kryetarin e Lëvizjes Vetëvendosje, Albin Kurti, nuk ka sjellë përparim drejt një marrëveshjeje politike.
Sipas Abdixhikut, bisedimet po zhvillohen në një drejtim që nuk ofron zgjidhje afatgjatë për krizën politike.
“Jemi në një rrugë që nuk jep zgjidhje afatgjate. Ne kemi kërkuar që presidenti të propozohet nga LDK-ja – nuk ramë dakord”, u shpreh kreu i LDK-së.
