Lideri i Lëvizjes Vetëvendosje, Albin Kurti, ka kërkuar kohë shtesë për propozimin e emrit për kryetar të Kuvendit të Kosovës.
Shefi i Grupit Parlamentar të AAK-së, Besnik Tahiri, e ka cilësuar këtë kërkesë si një tentim për “pazare politike”.
“Ishte një tendencë e skajshme dhe jashtëzakonisht e dëmshme për Kosovën moskonstituimi i Kuvendit të Kosovës. Kjo është pazar politik. Me marrë edhe pak kohë… Nyja është te presidenti, jo te Kuvendi.
Kjo është papërgjegjësi totale e partisë që i ka fituar zgjedhjet. Është një taktikë për të marrë ndonjë pazar politik, për të blerë edhe pak kohë, në mënyrë që t’i marrin tri institucionet”, ka deklaruar Tahiri pas përfundimit të seancës.
