Dy fëmijë, të moshës tetë dhe 10 vjeç, kanë humbur jetën në Qipro pasi dyshohet se u lanë të flinin në një veturë të mbyllur gjatë temperaturave të larta.
Sipas mediave lokale, fëmijët u gjetën pa shenja jete brenda një automjeti të parkuar në bazën ushtarake britanike në Dhekelia. Babai dhe njerka e tyre janë arrestuar nën dyshimin për neglizhencë, ndërsa autoritetet po hetojnë rrethanat e ngjarjes.
Dyshohet se temperaturat e larta dhe mungesa e ajrit kanë qenë fatale për fëmijët, ndërsa shkaku zyrtar i vdekjes do të përcaktohet pas autopsisë.
