Futbollisti argjentinas Lucas Trejo po përjeton një tragjedi të rëndë familjare, pasi gruaja e tij, Yana, dhe dy fëmijët e tyre janë gjetur të pajetë nën rrënojat e shkaktuara nga tërmetet në Venezuelë.
Sipas raportimeve, pas 74 orësh kërkime intensive, ekipet e shpëtimit lokalizuan trupat e viktimave, duke shuar shpresat se ata mund të kishin mbijetuar.
Lajmin fillimisht e bëri të ditur miku i familjes dhe futbollisti Edson Tortolero, ndërsa më vonë u konfirmua edhe nga klubi i Trejos, Marítimo de La Guaira.
Në një reagim zyrtar, klubi shprehu ngushëllimet për futbollistin dhe familjen e tij, duke kërkuar respekt për privatësinë e tyre në këtë periudhë të rëndë zie.
Lucas Trejo, i cili në të kaluarën ka qenë pjesë e klubit grek Atromitos, po merr mbështetje nga komuniteti sportiv pas humbjes së rëndë familjare.
