Numërimi i votave për deputetë po i afrohet fundit, ku janë procesuar 91.75% e vendvotimeve, duke sjellë një përmbysje të madhe brenda listës së LDK-së.
Jeta Statovci ka kaluar para Shkëmb Manajt në garën për një ulëse në Kuvend.
Statovci aktualisht renditet në vendin e 19-të me 13,538 vota, pozicion ky që ia siguron mandatin.
Në anën tjetër, Manaj ka rënë në vendin e 20-të me 13,263 vota, duke mbetur për momentin jashtë parlamentit. Me më pak se 300 vota diferencë, gara mbetet e ethshme deri në rezultatin final.
