Të paktën 19 persona kanë humbur jetën pasi një tërmet me magnitudë 7.8 ballë goditi brigjet e Filipineve.
“Priten lëkundje të papritura dhe dëme”, tha Këshilli Kombëtar i Reduktimit dhe Menaxhimit të Rrezikut nga Fatkeqësitë.
Më shumë se 200 persona janë lënduar gjithashtu gjatë katastrofës natyrore.
Alarme për cunami u lëshuan në Filipine, Indonezi, Japoni dhe Australi, megjithëse disa u anuluan pas disa orësh.
Tërmeti shkaktoi shembjen e shumë ndërtesave, pamje të cilat u shpërndanë në rrjete sociale.
Presidenti filipinas Ferdinand Marcos Jr. tha: “U kam udhëzuar të gjitha agjencitë përkatëse qeveritare që të veprojnë menjëherë”.
Presidenti konfirmoi gjithashtu se kishte urdhëruar anulimin e të gjitha mësimeve “deri në njoftim të mëtejshëm” pas tërmetit “të fortë”.
“Siguria e fëmijëve tanë është e para”, shtoi ai.
