Kryetari i degës së LDK-së në Vushtrri, Xhafer Tahiri ka shkruar në lidhje me vendimin e tij për të vazhduar angazhimin e tij në këtë detyrë.
Ai ka thënë se vazhdimin për të qenë ende kryetar i Degës së LDK-së në Vushtrri, e ka marrë me qëllimin e vetëm, fitoren në zgjedhjet nacionale të 7 qershorit bashkë me Presidenten Vjosa Osmani.
“Dorëheqja ime nuk ka qenë ikje nga përgjegjësia, por reflektim. Ndërsa sot, ky vendim për të vazhduar është përgjigje ndaj një kërkese të qartë politike: unitet, mobilizim dhe rezultat. E djathta e patriotët po bashkohen, sepse ndryshimi është i domosdoshëm e Vushtrria do të jetë pjesë e këtij ndryshimi. Unë besoj në bashkëpunim, në respekt institucional dhe në një qasje që e vendos interesin e përgjithshëm mbi çdo interes personal apo grupor”, ka shkruar Tahiri.
Ai ka thënë se koha e ndarjeve ka marrë fund dhe ajo e fitores ka ardhur.
Postimi i plotë:
Në respekt të plotë ndaj strukturave të Degës dhe vullnetit të anëtarësisë, kam vendosur të vazhdoj angazhimin tim në krye të Degës së LDK-së në Vushtrri, me një qëllim të vetëm: fitoren në zgjedhjet nacionale të 7 qershorit bashkë me Presidenten @vjosa.osmani
Dorëheqja ime nuk ka qenë ikje nga përgjegjësia, por reflektim. Ndërsa sot, ky vendim për të vazhduar është përgjigje ndaj një kërkese të qartë politike: unitet, mobilizim dhe rezultat.
E djathta e patriotët po bashkohen, sepse ndryshimi është i domosdoshëm e Vushtrria do të jetë pjesë e këtij ndryshimi.
Unë besoj në bashkëpunim, në respekt institucional dhe në një qasje që e vendos interesin e përgjithshëm mbi çdo interes personal apo grupor.
Koha e ndarjeve mori fund. Koha e fitores ka ardhur 
Me respekt,
Xhafer Tahiri
