Kryetari i Komunës së Prishtinës, Përparim Rama, ka bërë lëvizje nëpër drejtoritë e komunës.
Rama ka bërë të ditur se në drejtorinë e mobilitetit e ka emëruar Pëllumb Bajqinovcin, i cili është edhe asamblist aktual nga radhët e LDK’së në Kuvendin Komunal të Prishtinës.
“Si asamblist aktual në Kuvendin Komunal të Prishtinës dhe ish-kryesues i tij, Bajçinovci ka qenë pjesë aktive e proceseve vendimmarrëse, duke kontribuar në fusha si zhvillimi urban, rinia, sporti dhe kultura. Gjithashtu, përvoja e tij si zëdhënës në Komunën e Prishtinës ka forcuar profilin e tij në komunikimin publik dhe bashkëpunimin me qytetarët”, ka thënë Rama.
Rama ka shkarkuar Sokol Havollin nga pozita e Drejtorit të Investimeve kapitale, duke e vendosur Zyhrije Pllanën.
