Një rast i rëndë ka tronditur opinionin publik në Brazil, ku një vajzë 5-vjeçare, Maria Clara Aguirre Lisboa, është gjetur e vdekur në një varr të mbuluar me çimento në oborrin e shtëpisë së saj.
Autoritetet kanë arrestuar nënën e saj dhe njerkun, të cilët dyshohet se kanë pranuar përfshirjen në krim. Sipas ekspertizës mjeko-ligjore, viktima ka vdekur nga asfiksia, ndërsa ekzistojnë dyshime se ajo mund të ketë qenë ende gjallë në momentin e varrosjes.
Trupi i pajetë është zbuluar në gjendje të avancuar dekompozimi, ndërsa hetimet kanë nisur pasi gjyshi i fëmijës kishte raportuar zhdukjen e saj.
Autoritetet braziliane po vijojnë hetimet, ndërsa rasti është cilësuar si një nga më tronditësit e kohëve të fundit në vend.
