Ekspertët shëndetësorë paralajmërojnë se disa simptoma të pazakonta në këmbë mund të jenë shenjë e Diabetit, një sëmundje serioze që lidhet me nivele të larta të sheqerit në gjak.
Sipas Diabetes UK, me kalimin e kohës, nivelet e larta të glukozës mund të dëmtojnë nervat dhe enët e gjakut në këmbë, duke shkaktuar probleme si mpirje, dhimbje djegieje dhe humbje të ndjesisë – gjendje e njohur si Neuropatia periferike.
Kjo mund të çojë në dëmtime që kalojnë pa u vënë re, si dhe në shërim të ngadalshëm të plagëve, për shkak të qarkullimit të dobët të gjakut.
Ndër shenjat paralajmëruese përfshihen: mpirje ose shpim në këmbë, dhimbje, ënjtje, plagë që nuk shërohen, ngërçe, lëkurë e lëmuar dhe rënie e qimeve në këmbë.
Ekspertët këshillojnë që çdo simptomë e tillë të mos neglizhohet dhe të kërkohet menjëherë konsultë mjekësore për diagnozë dhe trajtim të hershëm.
