Emrush Gashi, një i akuzuar për vrasje të rëndë në fshatin Tërbovc të Lipjanit, ka vdekur në rrethana të dyshimta në një burg francez ndërsa ndodhej në pritje të ekstradimit për në Kosovë.
Gashi, i cili akuzohet nga autoritetet kosovare për vrasjen e vëllait të vet në vitin 2018, është gjetur pa shenja jete në qelinë e burgut. Dyshohet se ka kryer vetëvrasje brenda qelisë.
Gashi ishte arratisur nga Kosova pas vrasjes që dyshohet se e kreu në Tërbovc të Lipjanit.
Ai u kap në vitin 2021 nga autoritetet franceze në bazë të një urdhër-arresti ndërkombëtar kundër tij.
Autoritetet kosovare dhe ato franceze po zhvillonin procedurat për ekstradimin e tij. Ai pritej të gjykohej në Kosovë për rastin që tronditi Lipjanin para tetë vitesh.
