Pakistani priti bisedime me Turqinë, Egjiptin dhe Arabinë Saudite, në kuadër të përpjekjeve për të ndërmjetësuar përfundimin e konfliktit me Iranin.
Sipas Reuters, bisedimet fillestare u përqendruan në propozimet për rihapjen e Ngushtica e Hormuzit për transportin detar, si pjesë e përpjekjeve për stabilizimin e tregtisë dhe rrjedhave të naftës.
Vendet pjesëmarrëse i kanë paraqitur propozime Shteteve të Bashkuara të Amerikës për menaxhimin e trafikut detar, përfshirë modele tarifash të ngjashme me ato të Kanalit të Suezit. Po ashtu, sipas burimeve, është diskutuar krijimi i një konsorciumi të përbashkët nga Turqia, Egjipti dhe Arabia Saudite për menaxhimin e rrjedhave të naftës përmes kësaj rruge ujore, me mundësinë e përfshirjes edhe të Pakistanit.
Propozimet janë diskutuar si me Shtetet e Bashkuara të Amerikës ashtu edhe me Iranin, ndërsa Pakistani ka shfrytëzuar marrëdhëniet e tij me të dyja palët për të luajtur një rol kyç diplomatik.
Sipas mediave të huaja, prioriteti i Turqisë mbetet arritja e një armëpushimi, dhe se sigurimi i kalimit të sigurt të anijeve mund të shërbejë si një hap i rëndësishëm për ndërtimin e besimit dhe uljen e tensioneve në rajon.
