Pas muajsh spekulimesh dhe zërash në rrjet, më në fund ka ardhur edhe reagimi i parë publik nga Xhonatan Islami lidhur me ndarjen nga moderatorja Roza Lati.
I ftuar në një emision televiziv, Xhonatani ka zgjedhur të flasë hapur për fundin e marrëdhënies së tyre, duke i dhënë kështu fund aludimeve që qarkullonin prej kohësh. Ai u shpreh se tashmë është single dhe në paqe me këtë fazë të jetës së tij, ndërsa nuk kurseu fjalët e mira për ish-partneren.
“Jam i lumtur single, Rozës i uroj më të mirat”, është shprehur ai, duke treguar një qasje të qetë dhe pa tension ndaj ndarjes. Më tej, Xhonatani ka zbuluar edhe disa detaje mbi marrëdhënien e tyre, duke konfirmuar se historia e dashurisë kishte përfunduar prej disa muajsh. Sipas tij, lidhja kishte zgjatur rreth një vit dhe tashmë ishte një kapitull i mbyllur. Ai theksoi:
“Kishim kohë bashkë, zgjati një vit. Ishte një marrëdhënie publike, tani është një kapitull i mbyllur në jetën time. Kemi 3-4 muaj që e kemi mbyllur. I uroj gjithë të mirat, jam i sigurt që edhe ajo më uron gjithë të mirat.”
Historia e tyre e dashurisë kishte nisur gjatë verës dhe u bë shpejt një nga më të komentuarat në showbiz-in shqiptar, me paraqitje të shumta publike dhe postime të përbashkëta në rrjete sociale.
