Kanë kaluar plot dy vite që nga finalja e madhe e Big Brother VIP Albania 3, por analizat dhe vlerësimet mes ish-banorëve vazhdojnë të mbeten me interes për publikun.
Së fundmi, aktori i njohur Jul Deda ka treguar hapur konsideratën e tij të lartë për një nga protagonistët kryesorë të atij edicioni, Meriton Mjekiqin. I ftuar në podcast në bisedë me Bruno Shemshon, Juli ka dhënë një mendim shumë të sinqertë dhe të drejtpërdrejtë mbi lojën e moderatorit nga Kosova.
Gjatë bisedës për dinamikat e shtëpisë, aktori e konsideroi Meritonin si lojtarin më të fortë kosovar në historinë e këtij formati.
Megjithatë, ky vlerësim i lartë për karakterin e tij në lojë erdhi me një ndarje të qartë mes rrugëtimit të tij si individ dhe atij si çift. Sipas Julit, i vetmi element që e penalizoi lojën e fortë të Meritonit ishte romanca e tij brenda shtëpisë me Ilnisa Agollin.
Duke e ndarë mendimin e tij pa doreza, Deda u shpreh: “Meritoni është më i miri. Pa diskutim. Pa Ilnisën. Me Ilnisën qe gropë. Për mua ka qenë shumë i fortë.”
