Këngëtari i njohur, Gjesti është arrestuar mbrëmë dhe për këtë situatë të tij ka reaguar ish-finalistja e BBVK-së, Xheneta Fetahu.
Përmes një postimi, ajo theksoi se të gjithë e dinë çfarë periudhe të vështirë ka kaluar ai, duke shtuar se grumbullimi i presionit dhe padrejtësive për një kohë të gjatë sjell reagime të tilla të papritura.
Ajo e bëri të qartë se nuk po e justifikon atë që ndodhi dje, por citoi drejtpërdrejt: “Kur presioni rritet edhe kufizimet shtohen, situatat shpërthejnë”.
Në fund, Xheneta bëri thirrje për uljen e gjakrave, duke thënë se zgjidhja më e mençur në këtë moment delikat është qetësimi i situatës para se gjërat të bëhen edhe më keq.
