Një nga finalistët më të komentuar të këtij edicioni, Ludo Lee, ka reaguar sërish përmes një postimi të gjatë, duke reflektuar mbi rrugëtimin e tij në shtëpinë më të famshme në Kosovë.
Megjithatë, Ludo Lee ka lënë të kuptohet se pas finales i kanë lindur edhe disa dyshime, duke theksuar se ai gjithmonë ka besuar në lojë të ndershme dhe transparencë.
Postimi i plotë i Ludo Lee në Instagram:
“Ky ishte një nga momentet më të bukura të jetës sime, Big Brother VIP Kosova 4.
Nuk mund të krahasohet me Met Gala, amfAR apo Fashion ëeek, sepse aty je plotësisht i izoluar, pa asnjë informacion nga bota e jashtme dhe ky ishte ndryshimi i madh.
Një lojë që e desha vërtet me gjithë zemër, ku gjithçka shkoi në mënyrë perfekte deri në finale.
Isha plotësisht i përqendruar mendërisht dhe fizikisht 100 për qind, pa emocione, në kontroll të plotë.
Pa asnjë informacion nga bota e jashtme, qëndrova plotësisht vetëm me veten time, i udhëhequr nga intuita dhe i forcuar nga vetëbesimi gjatë gjithë lojës.
Pasi arrita në finale, shumë mendime filluan të më vërtiteshin në mendje.
Disa gjëra nuk kishin kuptim dhe fillova të vë në dyshim disa gjëra.Gjatë kohës sime si finalist, dyshimet e mia filluan dhe ende i kam, sigurisht për arsyet e mia.
Unë nuk jam dikush që nuk mund ta pranojë humbjen, por nuk mund të pranoj mungesën e transparencës.
Megjithatë një gjë mbeti gjithmonë e qartë: unë besova në lojë të ndershme dhe sinqerisht shpresoj që gjithçka në finale të ketë qenë e drejtë.
Shumë njerëz më pyetën pse vendosa të bëhem pjesë e Big Brother, sidomos në një moment kaq të mirë të jetës sime.
Përgjigjja ime ishte gjithmonë e njëjtë: ishte koha t’i tregoja njerëzve të mi, të cilët i dua shumë, Ludo Lee-n e vërtetë.
Mora rrezikun të humbja gjithçka, por në fund fitova diçka shumë më të madhe – dashurinë e shqiptarëve në të gjithë botën.
Jetojmë në një kohë kur shumë njerëz e kanë harruar rëndësinë e të qenit vetvetja, me të gjitha pikat e forta dhe dobësitë.
Rrjetet sociale më kanë dhënë shumë, por jeta reale më ka mësuar edhe më shumë se kush jam në të vërtetë dhe në fund më ka dhënë gjithçka.
Në fund të fundit, e vetmja gjë që na përket vërtet është ky moment.
Dhe motoja ime do të jetë gjithmonë: kur je vërtet vetvetja, je më afër Zotit.
Faleminderit të gjithëve që besuan tek unë, më mbështetën, votuan për mua dhe tani po më japin kaq shumë dashuri.
E vlerësoj shumë.
LUDO LEE”.
