Sot, në orën 17:00, Aleanca për Ardhmërinë e Kosovës do të mbajë mbledhjen e Këshillit të Përgjithshëm.
Sipas njoftimit për mediat, një nga pikat kryesore të rendit të ditës do të jetë shpallja e zgjedhjeve të brendshme të rregullta të partisë.
Ky proces do të shënojë një moment të rëndësishëm për strukturat e AAK-së dhe do të përcaktojë hapat e ardhshëm në zhvillimin dhe konsolidimin e partisë.
Takimi do të zhvillohet në selinë qendrore të AAK-së në Prishtinë, ku pritet të mblidhen anëtarët e Këshillit të Përgjithshëm për të diskutuar edhe çështje të tjera relevante për funksionimin e partisë.
