Nasim Haradinaj, i ftuar sonte në Politiko vlerësoi lartë paraqitjen e katërshes së UÇK-së në Gjykatën Speciale në Hagë, duke theksuar se ata kanë mbajtur një qëndrim dinjitoz gjatë gjithë procesit.
“Kanë pasur paraqitje dinjitoze secili prej tyre. Gjatë gjithë kohës kanë mbajtur qëndrim dinjitoz. Ata kanë pranuar, për hir të Kosovës, që vetë të merren me këtë çështje dhe t’i dalin ballë, duke pritur drejtësi,” ka deklaruar Haradinaj.
Sipas tij, edhe pafajësia nuk do të ishte e mjaftueshme për ta kompensuar kohën e gjatë që u është marrë atyre gjatë këtij procesi gjyqësor. “Edhe vetëm pafajësia është pak për kohën që iu ka marrë atyre,” është shprehur Haradinaj, duke nënvizuar se sakrifica e tyre ka qenë e madhe.
