Kristi u përlot kur në shtëpinë e BBV i mbërritën papritur dy vëllezërit e tij, në një moment që e gjeti emocionalisht të brishtë. I pari që hyri ishte Xhorxho dhe sapo u panë, Kristi nuk arriti t’i përmbante emocionet.
Surpriza nuk përfundoi aty. Menjëherë pas tij, në shtëpi hyri edhe vëllai i vogël, Kejdi, duke e bërë takimin edhe më të fortë emocionalisht. Vetë Kristi pranoi se ky moment i ka dhënë forcë, pasi ditët e fundit nuk i ka pasur të lehta.
Dy vëllezërit i dhanë edhe një mesazh të qartë mbështetjeje, duke e nxitur të këndojë më shumë, të qeshë dhe të shijojë lojën, ndërsa i thanë se e presin jashtë si fitues.
“Këndo më shumë, qesh, luaj”, i thanë dy vëllezërit si këshillë.
