Dejona Mihali po intervistohet në Prokurorinë Speciale të Kosovës.
Burimet e Nacionales kanë bërë të ditur se Mihali po intervistohet si dëshmitare për korrupsionin në KEK, ku i dyshuar është Nagip Krasniqi.
“Janë disa mesazhe mes Dejona Mihalit dhe Nagip Krasniqit që janë gjetur në telefonin e këtij të fundi”, ka thënë burimi.
Mihali do të intervistohet nga prokuroria për rastin e ish-kryeshefit të Korporatës Energjetike të Kosovës (KEK), Nagip Krasniqi.
Ish-kryeshefi i KEK-ut, Nagip Krasniqi dyshohet për veprën penale “Keqpërdorim i autoritetit apo pozitës zyrtare”.
Dyshimet kanë të bëjnë me kontratat për renovimin e kaldajave së bllokut A5.
Kodi Penal i Kosovës këtë vepër e sanksionon me dënim prej 1 deri në 8 vjet burgim.
