Një aeroplan tip Falcon 50, që po transportonte Shefin e Shtabit të Përgjithshëm të Libisë, është rrëzuar pranë Ankarasë, në Turqi, duke shkaktuar humbjen e jetës së udhëheqësve të lartë ushtarakë që ndodheshin në bord, raportojnë mediat lokale.
Sipas burimeve, më herët gjatë së njëjtës ditë, Mohammed Ali al-Haddad kishte zhvilluar takime në Turqi me zyrtarë të lartë ushtarakë.
Pas incidentit, autoritetet turke kanë mbyllur përkohësisht hapësirën ajrore mbi Ankara, si masë sigurie.
Autoritetet turke e kanë konfirmuar zyrtarisht rrëzimin e aeroplanit dhe kanë bërë të ditur se forcat e sigurisë kanë arritur në vendin e rrënojave.
Po ashtu, është njoftuar se janë gjetur pjesë të aeroplanit në zonën e Haymanas, ku dyshohet se ka ndodhur rrëzimi.
Hetimet për shkaqet e aksidentit ajror janë në vijim, ndërsa priten informacione të tjera zyrtare nga autoritetet përkatëse.
