Pas një lidhjeje nëntëvjeçare, Cristiano Ronaldo i ka propozuar partneres së tij, Georgina Rodriguez, martesë me një unazë mbresëlënëse diamanti 30 karatësh me vlerë 3 milionë dollarë gjatë muajit gusht.
Modelja argjentino-spanjolle, 31 vjeçe, do të martohet së shpejti me yllin portugez të futbollit, 40 vjeç, pas këtij propozimi të paharrueshëm.
Në një intervistë për ELLE Spain, Georgina tha me shaka se një unazë e tillë ishte “minimumi që mund të bënte” pasi kishte pritur gjatë për këtë moment.
“Është e mrekullueshme. Minimumi që mund të më ofronte pas dhjetë vjetësh pritjeje (qesh). E vërteta është se, kur më propozoi, ishte gjëja e fundit që më shkonte ndërmend. Më duhej shumë kohë për të përpunuar gurin e madh që më dhuroi. U habita aq shumë sa e lashë në dhomën time dhe nuk e hapën në dritën e diellit deri ditën tjetër (qesh),” pohoi Georgina.
Çifti janë në lidhje që nga viti 2016. Ronaldo ka pesë fëmijë, dy prej të cilëve i ka me Georginën: Alana-n dhe Bella Esmeralda-n.
