Një influencuese ruse është kritikuar shumë në rrjetet sociale, pasi ndau me ndjekësit një video ku fut djalin e saj të vogël brenda një qeseje me vakuum dhe përdori një fshesë me korrent për të nxjerrë ajrin.
Mediat e huaja shkruajnë se video në fjalë u përhap shumë shpejt dhe tregon momentin ku fëmija i tmerruar thërret ‘mami’, pasi qesja ngushtohet dhe ajri thithet.
Sipas portalit rus “Life”, influencuesja 36-vjeçare Anna Saparina e mori ngjarjen me shaka. Ndërkohë autoritetet ruse të mbrojtjes së fëmijëve pritet ta thërrasin për sqarime, pasi eksperimenti mund të ketë vënë seriozisht në rrezik jetën e të miturit.
Reagimet në internet kanë qenë të ashpra, me shumë përdorues që e kanë quajtur Saparina-n “të papërgjegjshme” dhe “jo të denjë për të qenë nënë”.
“Anna Saparina është një abuzuese e neveritshme që duhet të përfundojë në burg për tmerrimin e djalit të saj vetëm për disa klikime”, shkroi dikush.
Ndërsa një tjetër shtoi: “Kjo është e tmerrshme… Fëmijët nuk duhet të trajtohen si eksperimente!”
Rasti ka rikthyer në vëmendje debatin mbi etikën e “influencerëve familjarë”, të cilët shpesh akuzohen se shfrytëzojnë fëmijët për përmbajtje në platforma si “TikTok”, “Instagram” dhe “YouTube”, duke ngritur shqetësime për sigurinë, privatësinë dhe mirëqenien e tyre.
😱A Russian mother filmed a dangerous experiment with her own child — and viewers were shocked
— NEXTA (@nexta_tv) December 7, 2025
36-year-old Anna Saparina from Saratov runs a popular parenting blog, with some of her videos reaching millions of views.
She recently posted a video in which she puts her son into a… pic.twitter.com/H2c8e2NEXa
