Komisioni Qendror i Zgjedhjeve ka vendosur sot që fletëvotimet për diasporën, e cila regjistrohet për të votuar përmes postës, të dërgohen fizikisht në adresat e tyre të banimit, ashtu siç i deklarojnë gjatë procesit të regjistrimit.
Lidhur me këtë vendim ka reaguar edhe Betim Gjoshi nga Partia Demokratike e Kosovës, i cili e ka cilësuar këtë zhvillim si “lajm të mirë nga KQZ për integritetin e votimit të mërgatës”.
Në postimin e tij, Gjoshi thekson:
“Lajm i mirë nga KQZ për integritetin e votimit të mërgatës.
Bashkëatdhetarëve që do të regjistrohen për votim përmes postës do t’iu dërgohen fletëvotimet origjinale në shtëpitë dhe banesat e tyre.
Mjeshtrit e manipulimeve nga Vetëvendosje deshtën që ky proces të mos ketë integritet, por të manipulohet lehtësisht duke dërguar fletëvotime me e-maila që nuk dihet në adresë të kujt do të shkojnë.”
