Lëvizja Vetëvendosje ka filluar të krijojë narrativën në rast se partitë e tjera s’do ta votojnë buxhetin e propozuar nga ta për vitin 2026.
Faqja zyrtare e këtij subjekti politik ka shpërndarë një video të Hekuran Muratit nga Kuvendi, i cili kumton se grupi parlamentar i Lëvizjes Vetëvendosje ka vendosur që ta votojë buxhetin ani pse Gjykata Kushtetuese e kishte rrëzuar Qeverinë Hoti.
“Ftojmë të gjithë deputetët e Kuvendit që karshi këtyre temave të përgjigjen me përgjegjësi dhe maturi e me racionalitet të ecim përpara”, thuhet ndër të tjera në postimin e VV’së.
PDK, LDK, AAK dhe Nisma Socialdemokrate kanë bërë të ditur se s’do të marrin pjesë në seancën ku do të shqyrtohet votimi i buxhetit për vitin e ardhshëm.
