Shfaqja e famshme reality Big Brother Vip Albania pritet të nisë edicionin e pestë. Burime për ‘Pamfleti’ kanë treguar se ‘sipari do të ngrihet’ në datë 20 dhjetor, jo shumë larg nisjes së zakonshme. Big-u ka nisur historikisht rreth kësaj date. Edhe ky vit, mesa duket nuk bën përjashtim.
Ashtu siç është raportuar edhe më herët, në shtëpinë e famshme do të hyjnë edhe njerëz që nuk janë të njohur për publikun e gjerë, por përfaqësojnë fusha të ndryshme.
Jori Mersini është një prej njerëzve jo-vip, e cila merret me fushën e imobiliareve. Nuk dihet çfarë ka të veçantë, por me siguri produksioni ka parë ‘diçka’, përderisa ka vendosur ta ketë pjesë të Big Brother Vip.
Emri i dytë është Kleoniki Delijorgji. Bukuroshja mesa duket nuk ishte pjesë e panelit ‘Goca dhe Gra’ pikërisht për këtë arsye. Ajo është ruajtur që të jetë pjesë e shtëpisë së famshme. Përzgjedhja e Kleonikit duhet thënë se është gjetje, për vetë faktin se vajza në fjalë i thotë gjërat pa u menduar gjatë. Sigurisht ka edhe nga ata që janë skeptikë kur Kleoniki ‘flet me ëngjëjt’, por nga ana tjetër do ketë edhe ngacmime për të atin, biznesmenin e njohur Mihal Deligjorgji, emër që lidhet edhe me ‘shpërthimin e Gërdecit’.
Aktori i famshëm Juxhin Plovishti, i njohur për skeçet e tij në ‘Portokalli’ thuhet se do jetë pjesë e BBVA5. Për Juxhinin nuk do ishte hera e parë që futet në shtëpinë e famshme, duke qenë se ka shkëlqyer me imitimin e Vserlos, ish-banorit të Big Brother. Por nuk dihet nëse do shkëlqejë si pjesmarrës kësaj radhe.
Emri që na çuditi kur e mësuam ishte ai i Lore. Këngëtarja, e cila merr pjesë në Kënga Magjike, madje ‘lindi’ aty si artiste, ka zgjedhur t’i thotë ‘Po’ propozimit për të hyrë në shtëpinë e Big Brother. Ajo është në garë tek Kënga Magjike, këtë edicion të 25-të të saj dhe mbase do hyjë në një moment të dytë në Big, por gjithsesi emri i saj është i konfirmuar.
