Djali i Agim Ramadanit, Jeton Ramadani ka shprehur përkrahjen për Xhafer Gashin, kandidat i LDK-së për kryetar të Obiliqit në balotazhin e 9 nëntorit.
Ramadani ka thënë se nuk flet shpesh për politikë, por për Gashin, të cilin e ka cilësuar si burrë me nder.
Ai ka thënë se siç ka qëndruar përkrah babait të tij, Gashi tani qëndron në krah të popullit.
Postimi i tij:
Nuk flas shpesh për politikë ,por flas për burrat me nder.
Xhafer Gashi ka qëndruar krah për krah me babën tim në luftë dhe ende sot qëndron për popullin e tonë.
Njeri që ndërton, jo që ndan.
Kosovës i duhen udhëheqës me zemër dhe besnikëri — jo zhurmë.
Respekt për një burrë me vizion të vërtetë.
