Kreu i SPAK, Altin Dumani deklaroi në Kuvend se çështja e aeroportit të Vlorës është në fazën e hetimit paraprak.
“Nuk jap shpjegime për çështje që janë në fazën e hetimit paraprak”, tha Dumani.
Kujtojmë që SPAK ka nisur hetimet në korrik për Aeroportin e Vlorës.
Organi i akuzës është duke hetuar detajet teknike të marrëveshjes se Pacollit me shtetin shqiptar dhe kontratën për ndërtimin e VIA-s.
“Prokuroria e Posaçme kundër Korrupsionit dhe Krimit të Organizuar ka regjistruar procedim penal në lidhje me kontratën koncensionare të Aeroportit të Vlorës. Ky procedim është në fazën e hetimeve paraprake”, thuhej në njoftimin e SPAK.
Zotërues i kësaj vepre të rëndësishme është kompania e biznesmenit shqiptar të Kosovës, Behgjet Pacolli, e quajtur “Mabco Constructions”. Sipas të dhënave të deklaruara në Qendrën Kombëtare të Binzesit, ajo zotëron 98% të aksioneve, 2% i ka kompania 2A Group SH.P.K.
