Presidentja e Kosovës, Vjosa Osmani dhe stafi i Presidencës, kanë shprehur ngushëllime për ndarjen nga jeta të Petrit Hotit.
Hoti ka shërbyer si zyrtar në kabinetin e Presidentes Osmani.
“Petrit Hoti u nda nga jeta pas një sëmundjeje të rëndë, duke lënë pas dhimbje të madhe tek familja, kolegët dhe të gjithë ata që e kanë njohur si njeri me virtyte të jashtëzakonshme, të ndershëm dhe të përkushtuar në punën e tij. Në këto momente të rënda, Presidentja Osmani dhe stafi i Presidencës u shprehin ngushëllimet më të sinqerta familjes Hoti, miqve dhe bashkëpunëtorëve të tij. Kujtimi për Petritin do të mbetet i paharruar në institucionin tonë dhe në zemrat e të gjithë atyre që patën fatin ta njohin. I qoftë i lehtë dheu i Kosovës!”, thuhet në telegramin e Presidencës.
