72-vjeçari, Juaraj Cintula që qëlloi dhe plagosi rëndë kryeministrin sllovak Robert Fico është dënuar me 21 vjet burg pasi u shpall fajtor për terrorizëm.
Ai qëlloi pesë herë drejt kryeministrit sllovak në maj 2024. Ngjarja ndodhi teksa Fico ishte për një vizitë në qytetin Handlova.
Personi i armatosur qëlloi Ficon nga një distancë shumë e afërt, pikërisht kur kryeministri po i shtrinte dorën dhe priste që i moshuari që kishte përpara një mbështetës i tij. Në gjykatë, Cintula mohoi se ishte përpjekur të vriste kryeministrin, duke thënë se ai qëllimisht i kishte drejtuar armën larg organeve të tij jetësore.
Fico u plagos rëndë në bark dhe u transportua me helikopter në një spital aty pranë për ndërhyrje kirurgjikale. Ai qëndroi disa ditë në gjendje të rëndë dhe disa muaj pas daljes nga spitali bëri paraqitjet publike.
