Kandidati i Lëvizjes Vetëvendosje, Taulant Kelmendi është deklaruar në lidhje me zgjedhjet e 12 tetorit.
Kelmendi tha se tanimë është e vendosur që Peja do të shkojë në balotazh.
Kelmendi tha se pas 12 viteve të pushtetit të Gazmend Muhaxherit të LDK-së me miliona euro të shpenzuara e qindra premtime të pambajtura, qytetarët po kërkojnë ndershmëri.
Postimi i plotë:
Peja në balotazh, bashkë për ndryshim!
Pas numërimit të votave nga Kosova dhe mërgata, u konfirmua: fryma e ndryshimit është gjallë, Peja u zgjua.
Pas 12 viteve të pushtetit të Gazmend Muhaxherit, miliona euro të shpenzuara e qindra premtime të pambajtura, qytetarët po kërkojnë ndershmëri, drejtësi dhe zhvillim të vërtetë. Qytetarët e Pejës nuk blihen as nuk nënshtrohen.
Faleminderit nga zemra për çdo votë, për çdo kontribut e për besimin që na solli deri këtu. Kjo është fitore e qytetarëve, e shpresës dhe e guximit për Pejën e pathyeshme.
Tani i ftojmë të gjithë qytetarët, subjektet politike dhe të gjitha komunitetet, të bashkohemi për ndryshim.
Sepse ka ardhur koha që Peja të fitojë për njerëzit, për të gjithë, pa hakmarrje e pa arrogancë.
BASHKË PËR FITORE❤️.
