Këngëtarja e njohur Leonora Jakupi duket se mund të vijë para publikut në një rol krejtësisht ndryshe nga ai me të cilin jemi mësuar.
Emri i saj po qarkullon si një ndër kandidatët për t’u ulur në panelin e opinionistëve në edicionin e ri të spektaklit.
Edhe pse deri më tani Leonora nuk ka dhënë asnjë reagim publik mbi këto zëra, lajmi ka ngjallur menjëherë interes të madh tek fansat dhe ndjekësit e formatit.
Këngëtarja, e cila prej dekadash është një nga ikonat më të dashura të muzikës shqiptare, njihet për qëndrimet e saj të forta dhe personalitetin karizmatik, elementë që mund ta bënin një opinioniste të denjë për një reality-show të tillë.
“Big Brother VIP Kosova” ka fituar popullaritet të madh që nga edicioni i parë, duke sjellë çdo javë debate, emocione dhe polemika që komentohen gjerësisht në rrjetet sociale. Për këtë arsye, zgjedhja e opinionistëve është gjithmonë një pikë kyçe e suksesit të spektaklit.
Mbetet për t’u parë në ditët në vijim nëse Leonora Jakupi do të pranojë këtë rol dhe do të bëhet pjesë e panelit të njërit prej programeve më të ndjekura në Kosovë.
