Të paktën 20 persona humbën jetën pasi një autobus me mbi 50 pasagjerë u përfshi nga flakët në shtetin perëndimor indian, Rajasthan, të martën. Autobusi po udhëtonte midis Jaisalmer dhe Jodhpur kur nisi të dilte tym nga pjesa e pasme dhe më pas u dogj brenda pak minutash.
“Nëntëmbëdhjetë pasagjerë vdiqën brenda autobusit dhe një tjetër vdiq nga djegiet e tij në rrugë në Jodhpur,” tha Rajesh Meena, oficer policie, për AFP.
Kryeministri indian, Narendra Modi, shprehu tronditjen për humbjen e jetëve dhe premtoi kompensim deri në 200,000 rupi (rreth 1,940 euro) për familjet e viktimave.
Situata e sigurisë rrugore në Indi përshkruhet si katastrofike; sipas të dhënave të vitit 2023, mbi 480,000 aksidente rrugore shkaktuan rreth 173,000 vdekje dhe 463,000 të plagosur.
