Kombëtarja e Kosovës ka shënuar një fitore të madhe ndaj Suedisë, duke dhënë një paraqitje të jashtëzakonshme që u përshëndet menjëherë nga Presidentja e Republikës, Vjosa Osmani.
Përmes një postimi në rrjetet sociale, Presidentja shprehu krenarinë e saj për skuadrën, duke vlerësuar zemrën, karakterin dhe lojën fantastike të “Dardanëve”.
“Rruga e Dardanëve drejt fitoreve vazhdon!
Djemtë e Kosovës treguan zemër, karakter dhe lojë fantastike, sonte ndaj Suedisë, duke na kujtuar se kur luajmë me shpirt, asnjë sfidë nuk është e pamundur,” shkroi Osmani, duke ndarë edhe fotografi emocionuese nga festimi i golit të fitores.
