Kryetari i Lidhjes Demokratike të Kosovës (LDK), Lumir Abdixhiku, është deklaruar sërish për rezultatin zgjedhor në Prishtinë, duke theksuar se partia e tij është rikthyer si e para në kryeqytet pas 12 vitesh, dhe këtë e ka arritur vetëm me punë.
Në një postim në Facebook, Abdixhiku ka shkruar se “sot, struktura e LDK-së në Kryeqytet, me 5 degë e 83 nëndegë, është par ekselancë! Guri, siç i themi ne. Model për secilin qytet. Prandaj prijmë me parti e kandidat në Prishtinë”, është shprehur ai.
