Kandidati i PDK-së në Mitrovicën e Jugut, Arian Tahiri, është shprehur falënderues për qytetarët e kësaj komune, të cilët sipas tij kanë zhvilluar një fushatë dinjitoze.
“Faleminderit nga zemra për mbështetjen e madhe!”, ka thënë Tahiri.
“Së bashku, pa dallime, ecim bashkë drejt fitores tonë të plotë! Mirënjohës përjetë për besimin tuaj!”, ka shtuar ai.
Në këtë komunë, sipas rezultateve të KQZ-së, do të ketë balotazh.
Arian Tahiri ka marrë 47.89 për qind të votave, apo 15 mijë e 368 vota, ndërsa Faton Peci, kandidati për kryetar nga LVV-Guxo, ka marrë 47.80 për qind të votave, apo 15 mijë e 340 vota.
