Gjykata Themelore në Prishtinë ka caktuar masën e paraburgimit prej 30 ditësh për Fatmir Shehollin, e arrestuar nën dyshimin për spiunazh.
“Po, 1 muaj paraburgim”, tha për Sinjalin, zëdhënësja e Gjykatës Themelore në Prishtinë, Mirlinda Gashi.
Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh.
Sheholli u arrestua më 9 tetor 2025 nga Policia e Kosovës, në bashkëpunim të ngushtë me AKI-në dhe prokurorinë, nën dyshimet se ishte i përfshirë në veprimtari spiunazhi.
Ai u arrestua në rajonin e Prishtinës nga hetuesit policorë të Drejtorisë për Hetimin e Krimit të Organizuar dhe Krimeve të Rënda në Policinë e Kosovës. Fillimisht, Sheholli u ndalua për 48 orë dhe autoritetet kryen bastisje në vendbanimin e tij “me qëllim të sigurimit të provave të tjera materiale”.
Për arrestimin e Shehollit, të enjten shkroi edhe ministri në detyrë i Brendshëm, Xhelal Sveçla.
“Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, tha ai.
