Seanca vazhdon me dëshminë e personit të parë që Naim Murseli kontaktoi menjëherë pas vrasjes së bashkëshortes së tij, Liridona Ademajt.
Valon Lluka iu përgjigj pyetjeve të prokurores, duke zbardhur bisedën e parë me Murselin pas ngjarjes tragjike, shkruan Indeksonline.
Transkripti nga dëshmia:
Prokurori: “A jeni i vetëdijshëm që ju jeni personi i parë që Naim Murseli ka kontaktuar pas vrasjes së bashkëshortes së vet?”
Dëshmitari: “Po.”
Prokurori: “A mund të kujtoheni, kur ju ka thirrë Naimi, a ju ka thënë prej nga po thërret”:
Dëshmitari: “Nuk më ka thënë prej nga më thërret, nuk më kujtohet”.
Prokurori: “A ju ka thënë në bisedën e parë që bashkëshortja Liridona i është vrarë?”
Dëshmitari: “Po, e ka cekur që na kanë gjuajtur dhe na kanë vrarë në këtë formë”.
Prokurori: “Kur ju ka thënë këtë, a e keni ditur nga telefoni kujt po ju thërret”?
Dëshmitari: “Jo, nuk ka qenë telefoni i tij. Më ka thirrur me një numër i cili në fund përfundon me numrin 417. Nuk ju kam lajmëruar, nuk e kam njohur numrin saktësisht, ora ka qenë 8:32 minuta. Urgjent çele, urgjente Naimu”. “Çele, çele,çqele”, tregon dëshmitari para trupit gjykues.
Dëshmitari: “Ja kam kthyer, më falni, cili Naim, se jam me mysafirë”. Dëshmitari: “Murseli, o Valon, na kanë vrarë…” Ka qenë shkrim i paqartë.
