Kandidati për kryetar të Komunës së Vushtrrisë nga Partia Demokratike e Kosovës, Ferit Idrizi, ka zhvilluar sot takime me qytetarë të shumtë.
Idrizi ka bërë të ditur se me qytetarët ka biseduar për projektet transformuese që pritet ta ndryshojnë Vushtrrinë, me fokus të veçantë në investimet për të rinjtë dhe arsimin.
“Sot bashkë me kandidatin shembullor për Asamble, Blerim Ibrahimi, takuam qytetarë të shumtë dhe biseduam për projektet transformuese të qytetit, investimet në rini dhe arsim. Diskutuam gjithashtu për planet e mandatit të ardhshëm, një program gjithëpërfshirës ku qytetari është gjithmonë në qendër”, ka shkruar Idrizi.
