Atdhetari i shquar Hektor Beqiri ka bërë thirrje për bashkim kombëtar dhe pjesëmarrje masive në protestën që do të mbahet më 17 tetor, në orën 17:00, në Tiranë, në mbështetje të ish-krerëve të UÇK-së.
Beqiri theksoi se shqiptarët nga Kosova, Shqipëria, Maqedonia e Veriut, Lugina e Preshevës, Mali i Zi dhe diaspora janë gjithmonë të bashkuar për të mbrojtur luftën e lavdishme të UÇK-së dhe për të kundërshtuar shtrembërimin e historisë.
“Kështu bashkë kemi qenë edhe në vitet 1998–1999. Nuk mund të qëndrojmë në heshtje ndërsa historia jonë shtrembërohet dhe ish-krerët e UÇK-së trajtohen si kriminelë,” ka deklaruar Beqiri.
Ai u ka bërë thirrje të gjithë shqiptarëve që të marrin pjesë në protestën gjithëkombëtare në kryeqytetin shqiptar, duke e konsideruar atë një detyrim moral dhe atdhetar.
