Rrustem Mustafa, komandant në Ushtrinë Çlirimtare të Kosovës (UÇK) që njihet me nofkën ‘Remi’, ka dhënë një mendim lidhur me raportet e Kosovës me SHBA’në.
Ndër të tjera, Mustafa me anë të një shkrimi në ‘Facebook’ ka deklaruar se Kosovës i duhen raporte normale me miqtë dhe jo manovra politike.
Shkrimi i plotë:
Manovrat në Politikë, Fundi i Pashmangshëm
Manovrat politike, edhe kur vishen me fjalë të bukura, janë të destinuara të dështojnë. Ballkani i ka parë të gjitha format e tyre nga manipulimet e brendshme, deri tek tentimet për të mashtruar edhe miqtë strategjikë që na kanë ndihmuar të fitojmë lirinë.
Në kohën e sotme, ku çdo e pavërtetë zbulohet për sekonda, këto taktika jo vetëm që dështojnë më shpejt, por lënë edhe plagë më të mëdha: e prishin besimin mes qytetarëve dhe e dëmtojnë marrëdhënien me aleatët tanë.
Ne kemi nevojë për politikë të pastër, që ndërton raporte normale me popullin dhe me miqtë tanë, jo për manovra që i kthejnë ato raporte në eksperimente të pa dobishme.
